Pavarësisht se është pothuajse një dekadë e vjetër, loja Grand Theft Auto V vazhdon të shitet mirë, shkruan TechnoNews.

Si pjesë e raportit financiar të fundit të Take-Two Interactive, u njoftua se që nga viti 2013, GTA V ka shitur më shumë se 165 milionë kopje. Kjo e bën GTA-në po aq të madh sa Mario Kart.

Take-Two Interactive vuri në dukje se gjatë tremujorit të fundit fiskal, GTA V shiti pesë milionë kopje të tjera. Kjo është dëshmi se këtë herë loja vazhdon ritmin konstant të shitjeve të suksesshme.

Megjithëse GTA V nuk pritet të tejkalojë shitjet rekorde të Minecraft (238 milionë kopje), loja mund të krahasohet me Sonic the Hedgehog (145 milionë), Madden NFL (130 milionë), Zelda (126 milionë) apo NBA (118 milionë).

Pas tremujorit të ardhshëm, GTA V pritet të kapërcejë Mario Kart dhe Final Fantasy, të cilat kanë shitur 166 dhe 168 milionë kopje deri më tani.