Tech

Facebooku ndryshon emrin

Facebooku ka ndryshuar emrin në “Meta” si pjesë e ribrendimit të madh të korporatës.

Kompania, që ka treguar ndryshimin në konferencën e përvitshme, ka thënë se ky emër “përthekon” më mirë punët e firmës.

Po ashtu kompania sot ka shpalosur planet për “metaverse” – një botë online ku njerëzit mund të luajnë, punojnë dhe komunikojnë në një ambient virtual, nëpërmjet pajisjeve.

Ndryshimi i emrit vjen pas raportimeve negative për Facebookun, bazuar në dokumentet e publikuara nga ish-punëtorët.

Emri i është ndërruar vetëm kompanisë amë, e cila nën pronësi ka rrjetin social Facebook, Instagramin e WhatsAppin.