OnePlus Concept One paralajmëron kamerën e padukshme

OnePlus Concept One paralajmëron kamerën e padukshme

06 January 2020 16:45

Ende nuk dihet nëse OnePlus Concept One do të jetë telefon fleksibil apo jo, ndërsa teaseri më i ri i lansuar nga kompanitë kineze e zbulon një "kamerë të padukshme" unike, të bazuar në xhamin që e ndryshon ngjyrën, raporton Wired.

Thjerrëzat e kamerës janë të fshehura nën xhamin e errësuar, e që praktikisht paraqet LCD prej një piksel. Kjo do të mundësojë dizajn harmonik, në një kohë kur sistemet me shumë kamera në anën e pasme u ngjajnë insekteve me shumë sy.

OnePlus Concept One do të prezantohet gjatë CES 2020. Siç sugjeron emërtimi, pajisja nuk do të jetë në dispozicion komercialisht, shkruan KOHA Ditore. Megjithatë, kjo nuk do të thotë që OnePlus 8 nuk do të mund të ketë kamerë të padukshme.

Renderët e telefonave OnePlus 8 dhe 8 Pro nga më parë e tregojnë një pjesë të pasme prej xhami dhe sistemin me katër kamera.

© KOHA

Komentet

Shto koment

Të ngjashme