Sajti LetsGoDigital raporton se Huawei e ka mbrojtur emrin për sistemin e ri operativ mobil, të quajtur Harmony, tek EUIPO (European Union Intellectual Property Office), me datë të 12 korrikut.
Kompania më parë e kishte mbrojtur markën tregtare për HongMeng OS në Kinë, por në fund rezultoi se ajo ishte e dedikuar për pajisjet e Internet of Things, shkruan KOHA Ditore.
Sistemi operativ mobil i Huaweit mund të jetë i gatshëm për lansim deri në fund të vitit për përdoruesit në Kinë, theksoi Yu Chengdong - CEO i kompanisë Huawei. Lansimi global i platformës do të mund të pasojë gjatë tremujorit të parë të vitit 2020.
Sistemi operativ është lavdëruar në intervista të shumta nga zyrtarët e kompanisë, të cilët theksuan se OS-i është 60% më i shpejtë se Androidi.
