Apple e ka publikuar Watch Series 4 me mbështetjen për EKG dhe detektimin e rrëzimeve, gjë që ka tërhequr fansat e pajisjeve të bartshme. Tani Samsungu mund t’i implementojë të njëjtat funksione në orën e vet të mençur Galaxy Watch Active 2, raporton SamMobile.
Kompania e Koresë Jugore planifikon ta ofrojë përgjigjen e vet në zgjidhjet e Apple në aplikacionin e vet EKG. Shërbimi në fjalë do ta matë ritmin e zemrës dhe do ta informojë përdoruesin nëse e ka ndonjë parregullsi dhe probleme. Këto të dhëna pastaj mund të ndahen me mjekët për lexim më preciz, shkruan KOHA Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGalaxy Watch Active 2 gjithashtu do të ketë funksion të detektimit të rrëzimit (Fall Detection). Nëse pajisja e bartshme e detekton rrëzimin (e personit) në dysheme, ajo menjëherë do ta regjistrojë këtë me vibrim. Nëse personi nuk është në gjendje të përgjigjet, ora do ta thërrasë ndihmën e shpejtë.
Edhe pse data e lansimit të pajisjes Galaxy Watch Active 2 nuk dihet ende, është e mundur që do ta shohim orën e mençur gjatë ngjarjes së Samsungut Unpacked më 7 gusht, kur do të prezantohet Galaxy Note 10 ose gjatë panairit IFA në fillim të shtatorit.