Trajneri nga Mali i Zi, Darko Prebiraçeviq është selektori i ri i Kosovës në volejboll.
Ai ka firmosur për një vit për të drejtuar volejbollistët më të mirë kosovarë.
"Përveç angazhimit në Kombëtaren A, trajneri Prebiraçeviq do të përfshihet edhe në zhvillimin e ekipeve të tjera kombëtare të grupmoshave, në vazhdën e projektit të nisur me mbështetjen e FIVB për ngritjen e volejbollit kosovar në të gjitha nivelet. Prebiraçeviq është trajneri i dytë i huaj që angazhohet në drejtimin e Kombëtares së Kosovës, pas çekut Martin Nemec, i cili e udhëhoqi ekipin së fundmi", shkruan në njoftimin e FVK-së.
Selektori i ri i Kosovës ishte ndihmës i selektorit te Mali i Zi. Ka drejtuar edhe grupmoshat e reja, kurse ka suksese edhe në nivel klubesh.
