Me gjashtë volejbolliste të huaja në skuadër, Drita e Gjilanit arriti ta fitojë finalen e Kupës së Kosovës.
Me katër lojtare të huaja u paraqit edhe, Fer Volley i Ferizaj.
Drita mposhti Fer Volleyn 3:2 në sete të dielën mbrëma në finalen e zhvilluar në palestrën “1 Tetori” në Prishtinë.
Fer Volley fitoi dy setet e para 25:18 dhe 25:22. Por gjilanaset u kthyen dhe fituan tri setet e radhës për fitoren 3:2.
Setin e tretë e fitoi 29:27, derisa të katërtin 25:22. Setin vendimtar e fitoi 15:13.
Drita në finale kaloi pas fitores 3:1 në sete ndaj Ferizajt, kurse Fer Volley në gjysmëfinale eliminoi Fushë Kosovën pas fitores 3:0 në sete.
