Zhalgirisi dhe Ballkani po e zhvillojnë ndeshjen e kthimit të rrethit të parë kualifikues të Ligës së Kampionëve.
Pjesa e parë e këtij dueli është mbyllur 0:0. Ndeshja po zhvillohet në Vilnius të Lituanisë.
Në fillim të ndeshjes vendasit patën dy mundësi të mira, por ishte portieri Stivi Frashëri që e shpëtoi Ballkanin duke bërë dy intervenime vendimtare.
Në anën tjetër, rastin më të mirë për kampionin e Kosovës e kishte Ermal Krasniqi, por gjuajtja e tij në minutën e 35-të u ndal nga portieri i ekipi vendas.
Ndeshja e parë mes Ballkanit dhe Zhalgirisit e luajtur në Prishtinë është mbyllur 1:1.
Fituesi i kësaj ndeshje në rrethin e dytë të Ligës së Kampionëve do të luajë me fituesin e ndeshjes, Malmo – Vikingur.
