Mbrojtësi Neco Williams ka zbuluar se luajti në ndeshjen hapëse të Kupës së Botës të Uellsit, një ditë pasi e mori lajmin se gjyshi i tij kishte vdekur.
Williams, i cili u zëvendësua në pjesën e dytë të ndeshjes ndaj SHBA-së, që përfundoi 1:1 në Doha, u përlot në fund të lojës.
21-vjeçarja ngriti kokën drejt qiellit në nderim të gjyshit të tij, Kelvin Jones.
“Ditën para ndeshjes mora lajmin më të vështirë me të cilin jam përballur ndonjëherë. U njoftova se gjyshi im kishte vdekur dhe u mërzita shumë. Kam qarë deri para ndeshjes së parë dhe ishte vështirë të luaja, por më forcoi përkrahja e bashkëlojtarëve dhe e familjes”, ka shkruar Williams në Twitter.
Artikuj të ngjashëm