-
Nga:
Florim Maliqaj
- 20 prill 2020 19:16
- Shpërndaje në:
Menaxheri i njohur i futbollit, Adrian Aliaj, në një intervistë për “Sportin në KTV”, ka zbuluar se futbollisti që ai menaxhon, Mërgim Vojvoda, mund të transferohet në Serie A.
Aliaj ka theksuar se edhe dëshira e tij është që mbrojtësin e Kosovës, që aktualisht është pjesë e Standardit në Belgjikë, ta dërgojë në fund të sezonit në kampionatin elitar të Italisë, ku për të janë të interesuara dy klube italiane.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIsh-mbrojtësi i Kombëtares së Shqipërisë, është menaxher edhe i kapitenit të Kosovës, Amir Rrahmani, i cili në verë do të kalojë te Napoli.
Aliaj zbulon se për Rrahmanin ka pasur shumë klube të interesuara, e në mesin e tyre ishte edhe Arsenali, por që klubi anglez nuk kishte bërë ofertë zyrtare.
Ndër të tjera, 43-vjeçari thotë se pranimi i Kosovës në UEFA dhe FIFA dhe shkëlqimi i menjëhershëm e kanë dëmtuar shumë Shqipërinë.
Intervistën e plotë të Aliajt do të mund ta ndiqni sonte në kuadër të “Sportit në Interaktiv”, rreth orës 23:50, ku ndër të tjera flet për Festim Alidemën, disa talente të futbollit në Kosovë që i ka marrë nën menaxhim, për supergolin që ia shënoi Greqisë në vitin 2004, si dhe për disa tema të tjera të rëndësishme për futbollin.