Saarbruckeni, që bën gara në kategorinë e tretë, është kualifikuar në gjysmëfinale të Kupës së Gjermanisë të martën.
Në shtëpi, Saarbruckeni mposhti 2:1 ekipin e Bundesligës, Borussia Monchengladbachin.
Sërish fitorja e tyre u vulos me gol në minutat e fundit.
Robin Hack në minutën e tetë i dha epërsinë mysafirëve.
Por Saarbruckeni barazoi pas vetëm tre minutave përmes Amine Naifit.
Ndeshja u dominua nga Monchengladbachi në vazhdim. Por në minutat e fundit, me një kundërsulm, Kai Brunker çoi Saarbruckenin në gjysmëfinale të Kupës me një aksion që pati prekjen edhe të shqiptarit Tim Civeja.
Civeja luajti nga minuta e 67-të. Është grumbulluar për herë të parë me Shqipërinë U21 për ndeshjet e marsit.
Edhe
Kaiserslauterni në finale të Kupës
Saarbruckeni e kishte eliminuar edhe Bayernin e Eintracht Frankfurtit.
Në gjysmëfinale luan ndaj Kaiserslauternit, që bën pjesë në Bundesliga 2.
Në gjysmëfinalen tjetër luajnë Leverkuseni kundër Dusseldorfit.
