Ernesto Valverde, menaxheri i Barcelonës, është impresionuar nga Ousmane Dembele ndaj Sevillas pas golit fantastik të francezit në Superkupën e Spanjës.
Goli spektakolar i Dembeles i ka dhënë fitoren 2-1 kampionëve të La Ligës teksa kishin mbetur vetëm 12 minuta lojë.
“Nuk e di nëse ka nevojë për ndeshje si kjo, atë e di vetëm ai. Dembele është me ne dhe presim shumë nga ai. Ai ka shumë kualitet, ai mori pjesë në lojë dhe shënoi golin e dytë, diçka për të cilën duhet të jetë shumë i lumtur”, ka thënë Valverde, transmeton ksp.
“Ai u përmirësua gjatë ndeshjes. Shumë prej lojtarëve që luajtën nuk kanë shumë kohë që kanë rifilluar stërvitjen pas Botërorit. Kjo është një fitore që do të na rrisë vetëbesimin”, përfundoi Valverde.
Artikuj të ngjashëm