Manchester Unitedi ka angazhuar edhe një futbollist në ditën e fundit të afatit kalimtar veror. Gjiganti anglez ka njoftuar të enjten pasdite se ka huazuar deri në fund të edicionit portierin Martin Dubravka.
Ai është huazuar nga Newcastle Unitedi.
Unitedi e ka opsionin që ta transferojë plotësisht 33-vjeçarin. Dubravka i ka 30 paraqitje me Sllovakinë. Ndërsa ka luajtur edhe për skuadra tjera si Zhilina, Esbjerg, Slovan Liberec e Sparta Praga. Te Newcastle është prej vitit 2018.
Ai i ka mbi 125 paraqitje në Premier League në pesë vjetët e fundit.
“T’i bashkohem Manchester Unitedit është moment i veçantë në karrierën time dhe mezi pres të fillojë dhe të ndihmojë ekipin për të arritur synimet”, ka theksuar Dubravka.
