Manchester Unitedi ka barazuar në “Old Trafford” pa gola të dielën me vendin e fundit, Southamptonin. Pika e fituar nga Southampton mund t’i ndihmojë skuadrës në vazhdimësi të kampionatit, pasi kjo skuadër po lufton për mbetje në elitën e futbollit anglez.
Southamptoni në vendin e 20-të ka 22 pikë gjithsej, ndërsa Unitedi në vendin e tretë ka 50 pikë.
Vendësit nga minuta e 34-t luajtën me një lojtar më pak në fushë, pasi Casemiro u përjashtua direkt me të kuq pas ndërhyrjes së rrezikshme në Carlos Alcarazin. Të dyja skuadrat patën rastet e veta në këtë ballafaqim. Kyle Walker-Peters i Southamptonit dhe Bruno Fernandes i Unitedit qëlluan shtyllat.
Artikuj të ngjashëm