Sulmuesi Paulo Dybala ka gjasa të mëdha që karrierën ta vazhdojë në Angli. “Gazzetta dello Sport” ka shkruar të enjten se Tottenhami ka parakaluar të gjitha skuadrat e interesuara për Dybalan, i cili në verë do të jetë lojtar i lirë.
Tottenhami ia ka bërë ofertën më të mirë 28-vjeçarit, që po kërkohet edhe nga Interi, Arsenali e Atletico Madridi. Është trajneri i Tottenhamit, Antonio Conte, që po insiston në transferimin e Dybalas, i cili tashmë është përshëndetur nga Juventusi.
Tottenhami i ka ofruar atij pagë vjetore prej dhjetë milionë eurosh për ta bindur të zhvendoset në Angli. Dybala këtë edicion ka shënuar 15 gola me fanellën e Juventusit në të gjitha garat.
Artikuj të ngjashëm