Është dashur kohë dhe nuk ka qenë një nga rrugëtimet më të lehta. Por pas performancës të së shtunës pasdite më nuk duhet të ketë dyshim: Jadon Sancho ka ardhur.
Nëse anglezi 18-vjeçar vazhdon të ndërtojë karrierë të shquar te Borussia Dortmundi, atëherë performanca e së shtunës do të jetë historike dhe moment i shpërthimit të tij.
Derisa skuadra e tij fitoi 4:0 ndaj Bayer Leverkusenit, ishte Sancho që udhëhoqi vijën ofensive, duke shkatërruar kundërshtarët, shkruan “Daily Mail”, transmeton “Koha Ditore”.
Gazeta “WAZ” e ka përshkruar atë si “talent të jashtëzakonshëm”. Për “Kicker” ai ishte magjistar. “Bild” e ka quajtur performancën e tij si “Sancho Show”.
Por asnjë nga reagimet e mediave nuk u duk ndoshta i përshtatshëm. Sancho, që zuri vend në njëmbëdhjetëshin startues pas lëndimit të Michy Batshuayit fundjavën e kaluar, “terrorizoi” vazhdimisht Leverkusenin në krahun e majtë të sulmit.
Edhe
Sancho shumë i lumtur te Dortmundi
I përfshirë në disa raste në minutat e parë, sulmuesi i ri më pas dërgoi Dortmundin në epërsi në minutën e 13-të, duke realizuar pas një kundërsulmi të shpejtë.
Ishte goli i tij i parë me Dortmundin dhe u bë anglezi më i ri që ka shënuar ndonjëherë në Bundesligën gjermane... (më gjerësisht lexoni sot në “Koha Ditore”)
