Mesfushori Thiago Alcantara është pajtuar për ta vazhduar kontratën me Bayern Muenchenin dhe njoftimi do të bëhet në ditët në vijim, ka shkruar “Sport Bild”.
Kontrata aktuale e mesfushorit 29-vjeçar me Bayernin skadon në verën e vitit 2021, por ai do të firmosë kontratë të re afatgjate.
Alcantara i është bashkuar Bayernit nga Barcelona në verën e vitit 2013 për 25 milionë euro. Këtë edicion ai i ka luajtur 32 ndeshje në të gjitha garat, ndërsa i ka shënuar tre gola dhe asistuar dy të tjerë.
