Te Zvicra janë të kënaqur me grupin që e kanë në Botërorin “Katari 2022”. Zvicra është në grupin G së bashku me Brazilin, Serbinë dhe Kamerunin. Me Brazilin dhe Serbinë, Zvicra ishte përballur edhe katër vjet më parë në Botëror.
“Ne jemi të kënaqur me shortin”, ka thënë Pierluigi Tami, drejtor i ekipeve nacionale të Zvicrës. Ai ka folur për sajtin zyrtar të Federatës helvetike.
“Natyrisht është situatë speciale që takohemi me dy rivalë që i kishim në Botërorin 2018. Mezi presim të luajmë këto ndeshje, me Brazilin ndër të tjera, numrin një në botë. Synimi është i qartë – duam të kualifikohemi në një të tetën e finales”, ka shtuar Tami.
