Fundorja e Phoenix Mercury, Diana Taurasi, ka shkruar histori në elitën e basketbollit në Shtetet e Bashkuara të Amerikës.
Ajo të enjten mbrëma u bë basketbollistja e parë që ka arritur shifrën e 10 mijë pikëve të shënuara.
41-vjeçarja e arriti këtë shifër të jashtëzakonshme me shënim nga vija për tri pikë në çerekun e tretë, në fitoren e Mercuryt ndaj Atlanta Dream, 91:71.
Taurasi e mbylli ndeshjen me 42 pikë të shënuara.
Ajo po ashtu u bë basketbollistja më e vjetër që shënon 40 e më shumë pikë brenda një ndeshjeje në historinë e ligës WNBA.
