Shkëndija e Tetovës është bindshëm ekipi më i mirë në Maqedoni këtë edicion. Prin bindshëm në tabelë dhe luan futbollin më atraktiv dhe më efikas. Për këtë të fundit, "gisht" ka tandemi i sulmit.
Ky tandem përbëhet prej Ferhan Hasanit e Besart Ibraimit dhe po tregohet enigmë e vërtetë për kundërshtarët në kampionatin maqedonas. Këta dy futbollistë përbëjnë tandemin e gjashtë më efikas në Evropë, me 33 gola të shënuar këtë edicion. Hasani ka 18 gola, kurse Ibraimi 15, shkruan sot Koha Ditore.
Tandemi Hasani-Ibraimi është prapa tandemëve që vijnë nga ligat e forta të Evropës, si Ligue 1, La Liga e Premier League. Me golat e shënuar këtë edicion, Hasani e Ibraimi qëndrojnë përkrah yjve të futbollit si Lionel Messi, Neymar, Luis Suarez, Edinson Cavani, Sergio Aguero e Mohamed Salah.
"Me 33 gola të shënuara në kampionat, tandemi i Shkëndijës që përbëhet nga Hasani e Ibraimi është ndër më efikasit në Evropë. Ky tandem renditet i gjashti dhe nuk është çudi që është më i merituari për formën fantastike që po tregon ekipi nga Tetova këtë edicion", ka shkruar "Sport.mk" të enjten. (Më gjerësisht mund të lexoni sot në Koha Ditore).
-
Treshja sulmuese e Shkëndijës në “Top 30” më efikase në botë
-
Besart Ibraimi lojtari që ka shënuar më së shumti gola në historinë e futbollit të Maqedonisë së Veriut
-
Shkëndija, kampione e Maqedonisë për herë të dytë
-
Shkëndija demolon Trakain, vazhdon tutje në Ligën e Evropës
-
Ibraimi e Hasani “bombardojnë” Trakain