Sulmohet fizikisht kreu i FFK-së

Kryetari i Federatës së Futbollit të Kosovës, Agim Ademi, është sulmuar fizikisht në mesditën e së martës.

Policia e Kosovës, rajoni i Prishtinës, ka konfirmuar për KOHËN se është njoftuar për një sulm fizik në parkun e Gërmisë.

Nga kjo zyrë kanë thënë se lëndime trupore ka pësuar një person, ndërkaq s’janë bërë të ditura detajet tjera.

Policia ka thënë se ka nisur hetimet për rrethanat.

Vetë Ademi ka qenë i paqasshëm deri në momentin e publikimit të artikullit.