Sterlingu është kthyer në katalizator të sulmit të Anglisë
Seleksionuesi i Anglisë, Gareth Southgate, ishte pyetur këtë javë nëse Harry Kane është i pakontestueshëm, por e njëjta pyetje duhet t'i bëhet edhe për Raheem Sterlingun, të cilin e ka përshkruar si "të pandalshëm" pas paraqitjes mbresëlënëse të martën mbrëma kundër Kosovës.
Sulmuesi i Manchester Cityt shënoi golin e barazimit për Anglinë e më pas dha edhe tri asistime të tjera në pjesën e parë, ndërsa Anglia triumfoi 5:3 ndaj Kosovës, duke mbajtur kreun në Grupin A të eliminatoreve për "Euro 2020", shkruan Reuters.
Sterling ka shënuar gjashtë gola në katër ndeshjet në këtë cikël eliminator, sa ka shënuar edhe Kane, dhe tetë në tetë ndeshjet e fundit për Anglinë, ndërsa ka edhe katër asistime, transmeton Koha Ditore.
Është vështirë të besohet se ky është lojtari që kishte shënuar vetëm dy gola në 45 ndeshjet e para me Anglinë dhe në këtë periudhë vitin e kaluar kishin shkuar tre vjet dhe 27 ndeshje pa shënuar gol me përfaqësuese.
Edhe
Ngritja e Raheem Sterlingut
Brumi ishte aty, por Sterling shpesh dukej se po tentonte tepër, po komplikonte gjërat dhe po dështonte të ofronte produktin përfundimtar.
Trajneri i Manchester Cityt, Pep Guardiola, ka rafinuar armët e shumta të Sterlingut dhe e ka kthyer në një nga sulmuesit më të frikshëm në botën e futbollit, si golashënues ashtu edhe kreator, siç ishte rasti të martën në stadiumin "St Mary's"....(Artikullin e plotë mund ta lexoni në numrin e sotëm të Kohës Ditore)
