Barcelona ishte skuadra që e dominoi takimin kundër Interit, por të dy skuadrat u ndanë në barazim me golat e shënuar në minutat e fundit, fillimisht nga Malcom e më pas barazoi Mauro Icardi.
Trajneri Luciano Spalletti e pranon që skuadra e tij kishte përballë një ekip superior në çdo aspekt, por përgëzon lojtarët për mënyrën sesi ata reaguan pas golit të pësuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“U duk sikur ndeshja do të përfundonte 0-0, më pas erdhi goli i papritur, por reagimi i djemve ishte shumë i rëndësishëm”, tha Spalletti.
“Djemtë dolën përpara dhe Icardi shënoi golin, ai shkoi për të marrë topin nga rrjeta dhe e vendosi në qendër, pasi kishin mbetur edhe disa minuta dhe donim të fitonim lojën”.
“Vuajtëm në pjesën e parë, për të njëjtën arsye si në ndeshjen e mëparshme: ata janë shumë të zotët me topin në zotërim. Barcelona mbetet më e fortë se ne të tjerët”.
“Ata janë shumë të mirë në pasime dhe në shpërqendrimin e mbrojtësve kundërshtarë. Barcelona ishte pranë golit dy apo tri herë, por ekipi kishte kurajën dhe mentalitetin që kërkonin tifozët, kështu që jemi të kënaqur për këtë gjë”, theksoi trajneri i Interit.