Ndeshja mes Besës dhe Drenicës, do ta hap xhiron e 29 të Superligës së Kosovës në futboll. Kjo ndeshje, zhvillohet të premten në Brestovik të Pejës dhe nis në orën 15:00.
Përderisa, Besa tashmë është përshëndetur nga elita, skuadra e Drenicës po lufton për të mbetur pjesë e Superligës është sezonin tjetër. Besa është e fundit në tabelë me vetëm dhjetë pikë të mbledhura derisa Drenica e teta me 30 pikë, pozitë kjo që dërgon në ndeshjen e barazhit.
Kjo është ndeshja e vetme që do të luhet të premten në kuadër të kësaj xhiroje pasi duelet tjera do të zhvillohen të shtunën dhe të dielën, gjithashtu prej orës 15:00. Të shtunën, zhvillohen dy ndeshje: Gjilani – Llapi dhe Prishtina – Arbëria derisa të dielën, do të përballen Feronikeli – Ballkani dhe Trepça ’89 – Drita.
