Një tjetër trajner është larguar nga detyra këtë të hënë në Itali.
Pas Vincenzo Montellas që u shkarkua nga Milani, vjen lajmi për largimin tjetër në Serie A.
Bëhet fjalë për Cristian Bucchi i cili nuk është më trajneri i Sassuolos. Humbja me Veronën të shtunën, sosi durimin e drejtuesve të klubit nga Reggio Emilia, të cilët vendosën të largojnë nga detyra 40-vjeçarin, transmeton KosovaPress.
Klubi nuk vonoi dhe menjëherë gjeti pasuesin e tij, pasi mësohet se Sassuolo ka arritur akordin për dy sezonet e ardhshme me trajnerin Giuseppe Iachini.
Aktualisht skuadra renditet në vendin e 16 në Serinë A me vetëm 11 pikë të grumbulluara.
Artikuj të ngjashëm