Futbollisti i Manchester Unitedit, Jadon Sancho, është stërvitur individualisht pas telasheve që ka pasur së fundmi me trajnerin Erik ten Hag.
Ten Hag e la jashtë skuadrës së tij Snachon në humbjen në udhëtim tek Arsenali më herët gjatë këtij muaji, duke theksuar se paraqitjet e tij në stërvitje kanë qenë nën standardin që ai kërkon.
Unitedi e ka konfirmuar nëpërmjet komunikatës se Sancho do të jetë “në një program individual të stërvitjeve, larg pjesës tjetër të skuadrës”.
Sancho u transferua në “Old Trafford” nga Borussia Dortmundi në vitin 2021, për 73 milionë euro.
Në tri ndeshje të këtij edicioni në Premier League, Sancho ka luajtur si zëvendësues.
