Sulmuesi Mohamed Salah e ka vazhduar bashkëpunimin me skuadrën e Liverpoolit. Lajmi për vazhdimin e kontratës së Salahut, është konfirmuar nga faqja zyrtare e klubit anglez të premten.
Egjiptiani ka firmosur kontratë deri në vitin 2025. Ai do të fitojë 350 mijë funte në javë.
Salah ka thënë se është i lumtur me vazhdimin e kontratës dhe synon trofe me Liveproolin.
“Ndihem mirë dhe jam i emocionuar, shpresoj se do ta ndihmoj klubin të fitojmë trofe”, deklaroi Salah.
30-vjeçari është pjesë e Liverpoolit që nga viti 2017 kur u transferua nga Roma.
