Wayne Rooney është larguar nga posti i trajnerit të klubit të ligës së MLS-së së SHBA-së, DC United, raporton BBC.
Klubi amerikan ka bërë të ditur se është ndërprerë bashkëpunimi me marrëveshje të dyanshme, pasi DC United nuk arriti të futej në plejof të MLS Cup.
Rekordmeniu i golave i Manchester Unitedit, Roonye, kishte marrë drejtimin e DC Unitedit në korrik të vitit 2022.
Ai kishte kaluar më herët 18 muaj si lojtar te DC United, para se të kthehej në Angli te Derby County në rolin lojtar-trajner në janar të vitit 2020.
DC United dështoi të kualifikohej në plejof për vitin e katërt rresht.
“Ne kemi biseduar me Waynen dhe jemi pajtuar se është më së miri për ne të ndajmë rrugët në këtë moment”, ka thënë shefi ekzekutiv i DC United, Jason Levien.
