Cristiano Ronaldo e ka shënuar golin e parë në vitin 2024 me Al-Nassrin dhe ka bërë festim të ri.
Ronaldo shënoi të mërkurën mbrëma në fitoren 1:0 në ndeshjen kundër Al Feihas.
Cristiano Ronaldo with a brand new celebration ??? pic.twitter.com/gaasuSlfRz
— CentreGoals. (@centregoals) February 14, 2024
Ndeshja që u zhvillua në stadiumin “Prince Faisal bin Fahd” në Riad të Arabisë Saudite, ishte e para e fazës së 1/8 së finales së Ligës së Kampionëve të Azisë.
Ronaldo realizoi në minutën e 81-të me asistim të Marcelo Brozoviqit.
39-vjeçari vrapoi për të festuar, u hodh, ndërsa më pas i vendosi duart në gjoks, ndryshe nga ajo që bënte më parë.
Al-Nassr e ka epërsinë para duelit kthyes që luhet javën e ardhshme, ndërsa është afër që ta sigurojë çerekfinalen e garës.
