E ardhmja e Cristiano Ronaldos te Manchester UnitedI po duket gjithnjë e më shqetësuese, pavarësisht aftësisë së tij të vazhdueshme për të gjetur rrjetën, pasi ka shënuar 17 gola në 28 ndeshje në Premier League.
Në fakt, 37-vjeçari është golashënuesi i dytë në Premier League, vetëm pas Mohamed Salahut të Liverpoolit.
Megjithatë, Unitedi po kalon një nga sezonet e tyre më të këqija në historinë e fundit dhe është pesë pikë prapa Arsenalit të vendit të katërt që siguron pjesëmarrjen në Ligën e Kampionëve edicionin e ardhshëm.
Ronaldo do të mungojë për herë të parë në kompeticionin e madh evropian.
Qëkur bëri debutimin e tij për Sportingun e Lisbonës në 2002/03, Ronaldo ka luajtur gjithmonë në Champions League.
Edhe
Ronaldo largohet pa lavdinë shumë të dëshiruar në Kupë të Botës
Edhe në atë sezon të parë si lojtar i ri, ai luajti një ndeshje kualifikuese të raundit të tretë me kundër Interit, megjithëse ata nuk u kualifikuan dhe në vend të kësaj luajtën në Kupën UEFA.
Në sezonin pasues 2003/04, tashmë si lojtar i Unitedit, Ronaldo debutoi në fazën e grupeve të Champions League. Që atëherë, ai ka luajtur gjithmonë dhe është golashënuesi më i mirë i të gjitha kohërave në Ligën e Kampionëve me 140 gola, ndërsa ka edhe rekordin për më shumë gola në një sezon 17, më shumë gola në fazat eliminatore 67. Ylli portugez ka luajtur 187 ndeshje deri më tani në Champions.
