Qendërmbrojtësi Alessio Romagnoli, do t’i bashkohet skuadrës së Lazios në verë, ka raportuar “Calciomercato”.
Mësohet se marrëveshja mes palëve pritet të finalizohet brenda këtij muaji, pasi po punohet në detajet e fundit në kontratës. Romagnoli te Lazio do të transferohet si lojtar i lirë, pasi i skadon kontrata me Milanin në verë.
27-vjeçari me Lazion do të firmosë kontratë katërvjeçare, me opsionin e vazhdimit edhe për një vit tjetër.
Romagnoli është pjesë e Milanit prej vitit 2015 dhe është kapiten, ndërsa këtë sezon në 25 paraqitje në të gjitha garat, ka një gol e një asistim.
