Alessio Romagnoli pritet të jetë përforcimi i parë i skuadrës së Lazios për sezonin e ardhshëm.
“Gazzetta dello Sport” ka njoftuar të shtunën se krerët e Lazios tashmë i kanë bërë ofertë zyrtare mbrojtësit Italian.
Thuhet se Lazio i ka ofruar Romagnolit kontratë katërvjeçare që parimisht e ka pranuar. Romagnoli te Lazio do të transferohet si lojtar i lirë, pasi kontrata me Milanin i skadon në verë. Ai tashmë ka refuzuar rinovimin e kontratës me Milanin dhe po shqyrton ofertat tjera.
Romagnoli është kapiten i Milanit dhe këtë edicion ka një gol e një asistim në 25 paraqitje.
