Kthimi i Claudio Ranierit te skuadra e Romës mund të bëhet i hidhur, pasi trajneri veteran po përballet me një numër problemesh para ndeshjes me Napolin, që zhvillohet të dielën (15:00) në kuadër të xhiros së 29-të të Serie A.
Ranieri, i cili mori drejtimin e Romës një javë pasi u shkarkua nga Fulhami ku kreu detyren e trajnerit për tre muaj, duket se do të ketë telashe në Serie A, shkruan Reuters, transmeton “Koha Ditore”.
Pas eliminimit nga Liga e Kampionëve, gjë që solli shkarkimin e trajnerit Eusebio di Francesco, Ranieri duhet të sigurojë të paktën pozitën e katërt për Romën në fund të këtij edicioni, në mënyrë që ekipi edhe vitin tjetër të jetë pjesë e kësaj gare elitare.
Roma është e pesta me 47 pikë, katër më pak se Milani që renditet i katërti në tabelë pas 28 ndeshjeve të zhvilluara. Napoli është i dyti me 60 pikë, 15 më pak se Juventusi që është lider dhe të shtunën (sot) prej orës 18:00 e pret Empolin.
Ranieri që ka lindur në Romë, për herë të dytë në karrierë është trajner i këtij ekipi, tek i cili ka luajtur si lojtar. Ai ka trashëguar nga paraardhësi i tij një skuadër të goditur nga lëndimet e shumta të futbollistëve.
Në ndeshjen e parë në krye të Romës, Ranieri mposhti Empolin përpara se të pësoi nga SPAL-i (2:1). Tekniku italian pret që Roma të kthehet fuqishëm pas humbjes së fundit, ndonëse pranon se do të jetë shumë vështirë.
Edhe
Gasperini i lumtur që Roma e siguroi Championsin
“Kemi probleme të shumta me lëndimet, por jemi të vendosur për ta fituar këtë ndeshje, sepse synimi ynë është pozita e katërt”, është shprehur Ranieri. “Napoli është kundërshtar shumë i fortë dhe nuk do ta kemi aspak të lehtë”.
(Artikullin e plotë mund ta lexoni sot në “Koha Ditore”)
