Sulmuesi i krahut, francezi Franck Ribery, është i vendosur që edhe sezonin e ardhshëm të mbetet në Serie A.
Ribery është pa klub, pasi Fiorentina refuzoi t’ia rinovonte kontratën që i skadon në fund të muajit të ardhshëm.
Megjithatë, Ribery dëshiron që sezonin e ri të luaj në futbollin italian dhe interesimi nga klubet e Serie A nuk mungon, pasi këtë e ka konfirmuar edhe agjenti i tij.
“Ribery kishte një përvojë fantastike te Fiorentina, por klubi bëri zgjidhje tjetër. Ka shumë klube të interesuara për të dhe ai dëshiron të mbetet në Serie A. Ai e dashuron futbollin italian”, ka thënë Davide Lippi.
Ribery ka regjistruar 51 ndeshje te Fiorentina përgjatë dy sezoneve të fundit, ku ka shënuar pesë gola dhe ka asistuar dhjetë herë.
Artikuj të ngjashëm