Shqipëria humbi në udhëtim kundër Islandës në ndeshjen e vlefshme për eleminatoret e Euro 2020.
Pas takimit ka folur edhe trajneri Edi Reja, i cili sot debutoi me ekipin kombëtar shqiptar.
Reja u shpreh i kënaqur me lojën e ekipit, por thotë se kundërshtari ishte më mirë fizikisht dhe kjo bëri diferencën.
“Në përgjithësi luajtëm mirë dhe jam i kënaqur me lojën e ekipit. Kundërshtari ishte më i mirë fizikisht dhe kjo bëri diferencën. Me vjen keq që nuk morëm një rezultat më të mirë”, u shpreh Reja.
Tekniku italian foli edhe për penalltinë e mohuar në fund të pjesës së parë, transmeton TCH.
“Nuk jam i kënaqur me referimin. Na u mohua një penallti në fund të pjesës së parë”, përfundoi italiani.
