Real Madridi është pajtuar të paguajë 45 milionë euro për të transferuar sulmuesin 16-vjeçar nga Flamengo, Vinicius Junior.
Sipas raportimeve, futbollisti ka kryer testet mjekësore te Reali, që ka ofruar 15 milionë euro më shumë se klauzola e tij prej 30 milionë eurosh.
Marrëveshja pritet të përfundojë deri në korrik të 2018-s, kur Vinicius të jetë 18-vjeçar.
Talenti i ri ishte dalluar në Kampionatin U-17 të Amerikës Jugore kur ishte shpallur golashënuesi më i mirë dhe u zgjodh lojtari më i mirë i turneut.
