-
Nga:
Associated Press
- 19 prill 2023 16:33
- Shpërndaje në:
Ndjekja e Real Madridit për trofeun e 15-të evropian vazhdon. Reali po bën që gjërat të duken lehtë për këtë herë. Nuk ka pasur nevojë për rikthime të mëdha apo gola të minutës së fundit. Në vend të kësaj, thjesht ka dominuar totalisht. Pasi iu desh të kalonte në raundet e eliminimit të Championsit me vështirësi sezonin e kaluar, Real Madridi po merr rrugën më të lehtë këtë herë, duke kaluar në gjysmëfinale për të qëndruar në rrugën e duhur për titullin e 15-të të Evropës.
Real Madridi mundi Chelsean 2:0 në Londër të martën në ndeshjen e dytë çerekfinale, duke avancuar me rezultatin e përgjithshëm 4:0 pas asaj që kishte qenë një tjetër paraqitje dominuese në ndeshjen e parë javën e kaluar në Madrid. Fitorja e fundit erdhi pas golave nga Rodrygo, i dyti i të cilit erdhi në një “grumbullim” prej 30 pasimesh që shfaqi formën befasuese të Realit në garat evropiane këtë sezon. Reali ka qenë më i ekuilibruar se kurrë, me sulmin që funksionon mirë dhe mbrojtjen që luan mirë, duke e lejuar skuadrën të qëndrojë në kontroll dhe të shmangë nevojën për të rikthyer rezultatin. Trajneri Carlo Ancelotti tha se “përpjekja kolektive në mbrojtje” po bën ndryshimin dhe po i lejon Realit të “tregojë cilësinë e tij”.
“Ne kemi punuar mirë në ndeshjet e fundit dhe skuadra është shumë e motivuar dhe e fokusuar”, tha Ancelotti. “Ne kemi shumë cilësi dhe të qenit solid në prapavijë na ndihmon shumë. Arritja në gjysmëfinale është gjithmonë një sukses dhe na lejon të ëndërrojmë për të fituar titullin përsëri”.
Real Madridi kishte eliminuar gjashtë herë kampionin evropian, Liverpoolin me rezultat të përgjithshëm 6:2 në raundin e 1/8 e finales, kur fitoi 5:2 në ndeshjen e parë në Angli, pavarësisht se pësoi dy gola në fillim.
“Unë ende nuk e di se si të shpjegoj se si Liga e Kampionëve na bën të gjithëve të reagojmë dhe të luajmë mirë, por duhet të them se është vërtet shumë e veçantë”, tha Rodrygo.
Ishte i veçantë edhe sezoni i kaluar, por Real Madridi duhej të vuante shumë më tepër. Para se të mundte Liverpoolin në finale, ekipi i Ancelottit rrezikohej të eliminohej në çdo raund të fazës së eliminimit. Rikthimi i tij i parë erdhi kundër Paris Saint-Germainit në 1/8 e finales, kur Reali dukej i mundur pasi humbi ndeshjen e parë 1:0 dhe pranoi gol në fillim të ndeshjes së kthimit në kryeqytetin spanjoll. Megjithatë, vendasit përfundimisht reaguan me “hat-trick” në pjesën e dytë nga Karim Benzema. Ishte një tjetër “hat-trick” nga Benzema që ia siguroi fitoren Realit në ndeshjen e parë me Chelsean 3:1 në çerekfinalen e sezonit të kaluar.
Por ata ishin duke humbur 3:0 në stadiumin “Santiago Bernabeu” në ndeshjen e dytë dhe iu desh një gol i vonshëm nga Rodrygo dhe një tjetër nga Benzema në kohën shtesë për të kaluar në gjysmëfinale. Në gjysmëfinale kundër Manchester Cityt, Real Madridi humbi ndeshjen e parë emocionuese 4:3 në Angli dhe deficiti i tij u rrit pasi pësoi gol në minutën e 73-të të ndeshjes së kthimit në shtëpi. Por Rodrygo shënoi në të 90-n dhe në kohën e fundit për të siguruar vazhdimet, kur Benzema shndërroi një penallti vendimtare për ta çuar Madridin në finale. Real Madridi do të luajë në gjysmëfinale për herë të 11-të në 13 sezone. Ancelotti nuk do të ketë në dispozicion mbrojtësin Eder Militao për ndeshjen e parë gjysmëfinale për shkak të pezullimit.
“Jemi gati për të luajtur në gjysmëfinale dhe për të luftuar që të kalojmë në finale".
