Komiteti Olimpik i Kosovës ka reaguar të premten mbrëma pasi karateistët kosovarë nuk u lejuan të garojnë të barabartë në Evropianin për të rinj në Qipro.
Karateistët e Kosovës u kushtëzuan që të garojnë pa simbole, por kjo nuk u pranua nga Federata e Karatesë së Kosovës. Kështu karateistët mbetën jashtë garës.
Vendimin për të mos lejuar simbolet e Kosovës e mori Qeveria e Qipros. Ky vendim u pranua nga Federata Evropiane e Karatesë.
“Është për keqardhje gjesti i sotëm i qeverisë së Qipros, e cila nuk lejoi karateistët tanë të garojnë të barabartë në Kampionatin Evropian për kadetë, juniorë dhe U-21, që nisi sot në Larnaca. Edhe më keq është kur ndaj këtij vendimi nuk mori masa Federata Evropiane e Karatesë (EKF), e cila u dorëzua përballë autoriteteve vendase. Sidoqoftë, KOK përgëzon vendimin e Federatës së Karatesë së Kosovës dhe komplet ekspeditës, që vendosi të bojkotojë kampionatin, duke mos lejuar të diskriminohen dhe të garojnë pa simbolet shtetërore, ashtu siç kërkuan qipriotët. KOK do të ndërmarrë masat e nevojshme ndaj këtij vendimi diskriminues, i cili është kryekëput politikë dhe që nuk ka të bëjë me sportin”, shkruan në reagimin e Komitetit Olimpik të Kosovës.
-
Qiproja vazhdon diskriminimin ndaj karateistëve të Kosovës
-
Vazhdon diskriminimi, karateistët kosovarë nuk lejohen të garojnë të barabartë në Evropian
-
EKF-ja fajëson Kosovën për mbetjen jashtë Evropianit të karatesë
-
KOK-u i shqetësuar pasi Spanja nuk lejoi garimin e barabartë të karateistëve kosovarë
-
Federata e Karatesë: Spanjollët nuk na lejuan asnjë simbol