-
Nga:
Arsim Maxhera
- 26 prill 2019 10:54
- Shpërndaje në:
Fitorja e së martës në Suharekë i ka dhënë krah skuadrës së Rahovecit, që në palestrën “13 Qershori” synon të bëjë edhe hapin e dytë drejt finales së plejofit në Superligën e Kosovës në basketboll.
Ndeshjen e parë gjysmëfinale të plejofit ndërmjet Golden Eagle Yllit dhe Rahovecit e fitoi skuadra rahovecase me shifrat 96:93, shkruan sot “Koha Ditore”. Ylli edhe në ndeshjen e dytë gjysmëfinale do të jetë vendas. Ndeshja e dytë luhet të premten (sot, 19:00).
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMë pas seria gjysmëfinale bartet në Rahovec, ku luhet një, eventualisht dy ndeshje. Në finale kalon skuadra që shënon tri fitore. Nëse pas katër ndeshjeve nuk vendoset finalisti, atëherë ndeshja e pestë vendimtare do të luhet në Suharekë.
Ylli e ka përfunduar edicionin e rregullt në vend të dytë dhe për këtë e ka përparësinë e zhvillimit të dy ndeshjeve të para në shtëpi e po ashtu të ndeshjes së pestë eventuale. Por fillimi i mirë i serisë jodomosdoshmërisht është garanci për suksesin e skuadrës. Këtë e dinë mirë te Rahoveci.
Rahoveci ndeshjen e parë çerekfinale e kishte humbur nga Ponte Prizreni, por më pas fitoi në udhëtim dhe në shtëpi për të bërë vend në gjysmëfinalen që e ka nisur suksesshëm.
(Artikullin e plotë mund ta lexoni sot në “Koha Ditore”)