Prishtina dhe Trepça ’89 sot kanë arkëtuar edhe nga tri pikë të reja në garën për titull të kampionit.
Kryeqytetasit e kanë shkatërruar Drenicën, duke e mposhtur me rezultat të thellë prej 6-0, sot në ‘Zahir Pajaziti’ të Podujevës, në javën e 19-të të Vala Superliga e Kosovës në futboll, transmeton kp.
Basid Abdul Khalid (38’, 63’), Lorik Boshnjaku (45’), Gentrit Begolli (72), Mërgim Neziri (80’) dhe Kelmendi (88’) u përkujdesën për fitoren e Prishtinës.
Fitore tejet të rëndësishme ka shënuar edhe Trepça ’89 e cila në udhëtim mposhti Hajvalinë, me rezultat 0-4.
Oto John (52’, 63’), Florent Hasani (71’) dhe Hasan Hyseni (85’) shënuan golat e fitores për ‘Minatorët’.
