Prishtina ka shfrytëzuar ristrukturimin e fazës së 1/8 në FIBA Europe Cup për të siguruar pjesëmarrjen historike në mesin e 16 skuadrave më të mira në këtë garë.
Kryeqytetasit fituan 82:78 në duelin vendimtar ndaj Pinar Karshiyakas në xhiron e fundit të Grupit I të fazës së dytë.
Ndeshja nisi më mirë për turqit që përfunduan dhjetëminutëshin e parë me dhjetë pikë epërsi, 16:26. Megjithatë, Prishtina u kthye në periudhën e dytë duke fituar 23:16, për të përfunduar pjesën e parë me vetëm tri pikë disavantazh. Në dy periudhat e fundit, sidomos dhjetëminutëshin e fundit, Prishtina tregoi fuqinë për të bërë historinë. Në çerekun e tretë, prishtinasit fituan 20:18, ndërsa në të fundit arritën të fitonin me pesë pikë epërsi.
Nga katër grupet e kësaj faze tutje kanë kaluar tetë skuadrat nga dy pozitat e para të secilit grup, që do të përballen me tetë skuadrat që janë eliminuar nga Liga e Kampionëve. Pasi që tri skuadra nga Liga e Kampionëve nuk kishin pranuar të vazhdonin garën në FIBA Europe Cup, u lirua vendi për tri skuadra nga pozitat e treta. Këtu Prishtina ka siguruar vend në tri më të mirat nga pozitat e treta për të vazhduar tutje në Evropë.
Në Grupin I Prishtina mbetet e treta me tetë pikë, pas Oliver Wurzburgut që ka 12 dhe Pinar Karshiyakas që ka nëntë.
Edhe
Prishtina synon suksesin edhe ndaj ekipit të madh italian
Shorti për raundin e ardhshëm do të hedhet të enjten, 7 shkurt, në Munih.
{gallery}
