Janari është periudha kur të gjitha klubet e futbollit janë në kërkim të transferimeve për t’u përforcuar. Lojtarët e transferuar do të prezantohen për publikun, ndërsa rrjetet sociale do të jenë të mbushura me komente.
Megjithatë, ndonjëherë këto prezantime janë të paparashikuara dhe dalin shumë qesharake. Më poshtë i paraqesim disa raste të veçanta.
Kieran Trippier
Mbrojtësi i krahut të djathtë i Anglisë, Kieran Trippier, u kthye në Premier League në mënyrë spektakolare, kur firmosi për klubin më të pasur në botë, Newcastle Unitedin. Ai te Newcastle u transferua nga Atletico Madridi.
Megjithatë kur erdhi puna që të fotografohet për herë të parë me fanellën e Newcastlet për t’u prezantuar, Trippier bëri një gabim të rëndë. Në vend që të tregonte logon e klubit në fanellën e tij, gishti i Trippierit shkoi te logoja e një sponsori që ishte në mëngën e fanellës.
Edhe
Gabimet më të mëdha të lojtarëve në prezantime
Douglas Bergqvist
Skuadra nga Ukraina, FC Chernomorets Odesa, shkoi edhe më larg kur e prezantoi përforcimin Douglas Bergqvist, të cilin e transferoi nga skuadra e Kalmarit. Faqja e klubit ukrainas në “Instagram” tregoi një fotografi të mbrojtësit suedez, i veshur me fanellën e klubit të tij të vjetër, Kalmar. Por i kishte të vizatuara disa vija vjollce dhe të zeza mbi fanellë, për ta bërë të duket sikur ai e kishte veshur fanellën e Chernomoretsit. Për të shkuar edhe më larg, klubi kishte shkruar fjalën “Chernomorets”, duke bërë që tifozët të reagojnë me komente qesharake. Përfundimisht ky ishte një dështim i klubit me “photoshop”.
Marvin Ducksch
Në vitin 2016, St. Pauli prezantoi sulmuesin Marvin Dusksch me një burrë të maskuar afër, që paraqitej si shefi i tij. Presidenti Ewald Lienen duhej të paraqitej në ceremoni, pasi klubi njoftoi nënshkrimin me ish-lojtarin e Borussia Dortmundit.
Por kur ai dështoi të paraqitej në kohën e planifikuar për fotografi, një burrë me maskë e zëvendësoi presidentin. Dhe maska ishte bërë në atë mënyrë që të dukej sikur presidenti ishte në foto. Lëvizja e klubit u pa menjëherë teksa përdoruesit e “Twitterit” postuan një varg komentesh qesharake për këtë maskim të dështuar.
David Ginola
Një për zonjat. Në vitet e 90-ta, David Ginola pëlqehej shumë nga tifozet e futbollit, kështu që te Tottenhami e dinin se çfarë po bënin kur i thanë francezit që ta bënte një prezantim pak më ndryshe. Atij i kërkuan ta mbante fanellën, derisa mos të kishte asgjë në pjesën e sipërme të trupit.
Edhe
Ndeshja ndaj Shqipërisë do të jetë e veçantë për mbrojtësin unik të Anglisë
Jo vetëm që ai zbuloi numrin e fanellës (14), por ekspozoi edhe trupin e tij të ndërtuar mirë.
Bryan Robson
Vërtet një prezantim i tmerrshëm. Kur Middlesbrough e angazhoi Bryan Robsonin në rolin lojtar-trajner, njerëzit e marketingut bashkuan kokat për të krijuar diçka që ende nuk është parë deri më tani dhe nuk do të shihet.
Robsonit i kërkuan që në pjesën e epërme të ishte i veshur me këmishë, kravatë e xhaketë, ndërsa në pjesën e poshtme të mbante brekët dhe çorapet e klubit.
Benito Carbone
Nuk ka vend për stereotipe në futboll. Në vitet 1990-ta kur ylli italian Benito Carbone nënshkroi për skuadrën e Sheffield Wednesdayt, kishte vetëm një gjë për të bërë. Atij iu kërkua që gjatë prezantimit të fotografohej duke ngrënë shpageta me pirun. Në fakt, Wednesday është i njohur për perla të tilla, është klubi i njëjtë që Paolo Di Canion e prezantoi duke ngrënë picë.
Edhe
Milani në garë për Trippierin
Omar Gonzalez
Klubi nga Meksika, Pachuca, ishte i bindur se bëhej më i fortë me transferimin e ri. Për prezantimin e transferimit befasues të mbrojtësit të SHBA-së, Omar Gonzalez, Liga MX u bëri thirrje adhuruesve të filmit. Ata maskuan Gonzalezin me një veshje të Darth Vader – personazh në filmin “Star Wars” - në konferencën për shtyp, duke i kërkuar që në fund ta hiqte maskën për t’u zbuluar. Edhe pse ishte prezantim argëtues, tifozët e vlerësuan si të pakuptimtë.
