Trajneri i Milanit, Stefano Pioli, ka thënë se skuadra e tij e ka merituar të fitoi “Scudetton” pasi ishte më konsistente se Interi. Ai ka lavdëruar lojtarët dhe drejtorët, sidomos Paolo Maldinin dhe Ricky Massaran.
Milani me fitoren 3:0 ndaj Sassuolos, të dielën, siguroi titullin e parë të Italisë pas 11 vjetësh. Për Piolin është titulli i parë i Italisë si trajner.
“Jam i lumtur për lojtarët e mi, për veten, për stafin, klubin, drejtorët dhe tifozët tanë fantastikë. Për të gjithë botën e Milanit që e meriton këtë Scudetto”, ka thënë Pioli për DAZN.
“Ne gjithnjë kemi besuar, qartë se jam i lumtur”.
Pse Milani e ka merituar më shumë se Interi?
Edhe
Pioli largohet nga Milani
“Ishim më konsistent. Nëse arrini te titulli do të thotë se keni pasur vazhdimësi”, ka shtuar Pioli.
“Ne e kemi merituar pasi asnjëherë nuk jemi dorëzuar. I kemi fituar ndeshjet vendimtare. Kam ekip të fortë me dy drejtorë të jashtëzakonshëm. Nëse e arrini këtë nivel nënkupton se të gjithë kanë bërë më të mirën”.
