Kylian Mbappe ka qenë i lidhur me një kalim te Real Madridi në dy vjetët e fundit. Por, francezi vendosi që ta vazhdojë kontratën me PSG-në deri në vitin 2025.
Në ditët e fundit është raportuar se Erling Haalandi i Manchester Cityt është objektiv i Realit në momentin kur do të largohet Karim Benzema.
Për Haalandin dhe Mbappen, ka hezituar të japë shumë detaje presidenti i Real Madridit, Florentino Perez.
“Sinqerisht, nuk e kam idenë (për klauzolën e Haalandit). Ne kemi lojtarët më të mirë në botë në Real Madrid. Nuk ka kuptim të flasësh për të (Mbappen). Kemi Rodrygon dhe Vinciusin, ata janë dy lojtarë kryesorë”, tha Perez.
