Legjenda e futbollit brazilian, Pele, ka qenë sërish në spital për ta vazhduar shërimin e tumorit në zorrën e trashë.
Spitali “Albert Einstein” ka thënë në një komunikatë të mërkurën se 81-vjeçari, Edson Arantes do Nascimento, është në gjendje stabile dhe pritet të lirohet brenda pak ditësh.
Asistenti i Peles, Pepito Fornos, i ka thënë agjencisë së lajmeve “Associated Press” se Pele është duke kryer sesione të kimioterapisë për ta shëruar krejtësisht tumorin që u gjet rastësisht në një kontrollë të zakonshme në fund të muajit gusht.
Pele u fut në përkujdesje intensive, ndërsa tani po e merr veten në shtëpinë e tij në Guaruja, jashtë Sao Paulos.
Pele i fitoi tri Kupa të Botës, në vitet 1958, 1962 dhe 1970. Mbetet golashënuesi më i mirë i Brazilit me 77 gola në 92 ndeshje.
