Pele vazhdon të mbetet “mbreti” i Kupave të Botës.
Edson Arantes do Nascimento, i njohur si Pele, tani është 82-vjeçar, por e kaluara e tij në futboll ende vazhdon të mbetet më e suksesshmja në gjithë Botërorët e zhvilluar.
Brazili e kërkon titullin e gjashtë të botës, kurse Pele mund të mburret pasi është futbollisti i vetëm në histori të futbollit që e ka fituar trofeun më të çmuar të futbollit tri herë.
Si 17-vjeçar u shpall kampion bote në Suedi në vitin 1958, ku edhe shënoi një gol ndaj nikoqires, Suedisë, në fitoren 5:2.
Pele katër vjet më vonë, në moshën 21-vjeçare, triumfoi ndaj Kilit. Nuk luajti në finale për shkak të një lëndimi. Brazili mposhti Çekosllovakinë me rezultatin 3:1.
Ndërkohë, në vitin 1970 në Meksikë, Pele triumfoi për herë të tretë me Brazilin në një Kupë të Botës.
Ai e realizoi golin e parë të Brazilit që mposhti Italinë në finale, 4:1.