-
Nga:
Arsim Maxhera
- 3 shkurt 2024 12:30
- Shpërndaje në:
Pas dy fitoreve të shënuara në mesjavë në kuadër të Ligës Ballkanike, Peja të shtunën luan derbin e madh me Sigal Prishtinën me synim për të vazhduar me suksese.
Prishtina e Peja takohen nga ora 17:00 në Pallatin e Rinisë dhe Sportit. Është kjo kryendeshja e xhiros së 20-të të Superligës së Kosovës në basketboll.
Në kampionat Peja ka fituar dy ndeshjet e kaluara. Në kuadër të xhiros së gjashtë e kishte mposhtur Prishtinën në kryeqytet me rezultatin 95:80. Ndërkohë Prishtina kishte fituar në Pejë në kuadër të xhiros së 13-të.
Prishtina në xhiron e kaluar mori fitore shumë të vështirë ndaj Bashkimit, ndërsa është në seri prej tri fitoresh.
“Na pret një ndeshje e fortë, derbi i vërtetë. Kemi pasur një javë të ngjeshur me ndeshje, por jemi gati për Prishtinën. Do të jetë ndeshje e fortë, si gjithmonë, pasi Prishtina ka ekip të mirë. Por synojmë rezultatin pozitiv”, ka thënë basketbollisti i Pejës, Arian Qallaku.
Edhe
Bashkimi e Peja kërkojnë të kthehen te fitorja
Kampionia në fuqi, Peja, është e dyta në tabelë me 33 pikë. Prishtina është e treta me 32 pikë. Në tabelë udhëheq Trepça me 36 pikë.
“Është derbi i madh. Peja është kampione aktuale, ekip serioz dhe me synime të mëdha. Atmosfera do të jetë e mirë, ndërsa pres ndeshje të fortë dhe basketboll të bukur. Ne ende nuk jemi plotësisht të kompletuar, por deri në garën për Kupë do të jemi”, ka thënë basketbollisti kroat i Prishtinës, Henrik Shirko.
Interesante pritet të jetë edhe ndeshja mes Bashkimit dhe Trepçës, që zhvillohet në Prizren të shtunën nga ora 19:00. Skuadra e Bashkimit synon t’i japë fund serisë së mitrovicasve prej 12 fitoreve.
Të dielën janë ndeshjet Istogu – Vëllaznimi dhe Golden Eagle Ylli – Proton Cable Prizreni.
Është kjo xhiroja e parafundit para turneut final të Kupës së Kosovës.
Superliga – XX
E shtunë
Sigal Prishtina – Peja (17:00)
Bashkimi – Trepça (19:00)
Edhe
Të enjten dy ndeshje vendimtare për vendin e parë
E diel
Istogu – Vëllaznimi (17:00)
Golden Eagle Ylli – Proton Cable Prizreni (19:00)
1. Trepça 19 36
2. Peja 19 33
3. S. Prishtina 19 32
4. G.E. Ylli 19 30
5. Vëllaznimi 19 27
6. Bashkimi 19 26
Edhe
Derbi i madh në Prishtinë
7. P.C. Prizreni 19 24
8. Istogu 19 20
