Peja frikësohet mos po bllokohet serish nga FIBA

Pos që po përballen me telashe financiare, te KB Peja kanë drojë që mund të bllokohen sërish nga FIBA pasi nuk u janë përmbajtur afateve të saj për kthim të borxheve, ka pranuar kryetari i ekipit pejan Art Gashi. Sipas Gashit, bllokimi nga pandemia ka pamundësuar që Peja t’i paguajë këstet e borxhit të programuar ndaj FIBA-s.

Peja edicionin e shkuar u rikthye në gara pas një pauze njëvjeçare si pasojë e mos marrjes së licencës për të garuar shkaku i borxheve ndaj FIBA-s. Me t’u rikthyer në gara, Peja ka riprogramuar borxhet por që nuk ka arritur t’i paguajë këstet në afatet e caktuara shkaku i përhapjes së pandemisë.

Edicioni i fundit në Superligën e basketbollit të Kosovës është anuluar më 31 mars për shkak të pandemisë nga Federata e Basketbollit të Kosovës (FBK), pa u shpallur kampioni. “Ne nuk kemi mundur të paguanim në afatin e caktuar këstet e borxheve në FIBA që nuk është treguar tolerante dhe ndoshta deri më tash nga ka bllokuar”, ka thënë kryetari i Pejës, Art Gashi për KOHËN.