Federata e Basketbollit e Kosovës ka ndarë dënimet lidhur me ndeshjen e ndërprerë në mes të Ponte Prizrenit dhe Pejës. Ndeshja ishte ndërprerë për shkak të një përleshje fizike me të përfunduar pjesa e parë.
Por për të përfshirët dënimet e FBK-së mund të mos jenë të vetmet.
Ngjarja në Prizren të enjten është adresuar në takimin e jashtëzakonshëm të Këshillit Kombëtar për Parandalimin dhe Sanksionimin e Dhunës dhe Dukurive Negative në Ngjarjet Sportive.
Sipas njoftimit të MKRS-së, ky Këshill i trajton rastet e dhunës me seriozitet të lartë.
“Nga njoftimi i rastit të ndodhur në Prizren, Këshilli ka kërkuar nga Prokuroria hetimin e plotë të rastit, e cila ka njoftuar se tashmë një gjë e tillë ka filluar dhe deri më tani ndaj disa personave prokuroria e Prizrenit ka shqiptar masën e ndalimit prej 48 orëve. Policia e Kosovës dhe autoritet tjera të sigurisë po ashtu kanë njoftuar se janë duke bërë verifikimin e informatave dhe identifikimin e të gjithë personave të përfshirë përmes intervistimeve dhe mbledhjes së provave”, thuhet në njoftim.
Këshilli ka pranuar incizime shtesë që janë proceduar në Prokurori.
“Këshilli do të përcjellë rastin në vazhdimësi deri në zbardhjen e tij”, thuhet në njoftim.
