Mbrojtësi i Kosovës, Leart Paqarada, pritet të jetë transferimi i parë i Koelnit të Bundesligës gjermane në verë.
Kështu ka shkruar të shtunën mediumi gjerman “Express.de”.
Sipas mediumit gjerman, klubi dhe futbollisti 28-vjeçar janë pajtuar për një transferim të tillë.
Kapiteni kosovar i St. Paulit aktualisht do të jetë futbollist i lirë në verë.
Drejtori sportiv i Koelnit, Christian Keller 44-vjeçar, nuk e ka mohuar interesimin për Paqaradën.
“Mendoj se ai është mbrojtësi më i mirë i krahut të majtë në rangun e dytë të futbollit dhe do të ishte gjë e mirë nëse ai do të luante për ne”, ka thënë Keller, edhe pse ende asgjë nuk ka zyrtare.
Edhe
Me kthimin te Kosova, do të kompletohet ngritja e madhe e Paqaradës
“Ai ka luajtur me vazhdimësi të lartë për disa vjet dhe është lojtar shumë inteligjent. Ka nivel të lartë teknik të lojës dhe është shumë i sigurt në ndërtimin e lojës, edhe kur ka presion nga kundërshtari. Ka zgjidhje dhe në të njëjtën kohë, rrezikon portën kundërshtare. Ka harkime të mira dhe është i rrezikshëm në goditjet e dënimit”, ka shtuar Keller.
Sipas tij, nuk është çudi që futbollisti i Kosovës po kërkohet nga “gjysma e ekipeve të Bundesligës”.
